- इलाका प्रहरी कार्यालय महेशपुर पतार, सिरहामा कार्यरत प्रहरी निरीक्षक विशाल मल्ल उत्कृष्ट लागुऔषध अपराध अनुसन्धान कर्ता पुरस्कार बाट सम्मानित भएका छन।
नेपाल प्रहरीको ७१ औँ प्रहरी दिवस २०८३ को अवसरमा प्रहरी निरीक्षक मल्ललाई लागुऔषध अपराधको अनुसन्धानमा उत्कृष्ट कार्यदक्षता व्यावसायिक निष्ठा तथा राष्ट्र र नागरिकको सेवामा पुर्याएको योगदानको कदर गर्दै उक्त पुरस्कार प्रदान गरिएको हो।
नेपाल प्रहरीका प्रहरी महानिरीक्षक दान बहादुर कार्कीले आज असोज ३० गते प्रदान गरेको सम्मान पत्रमा मल्लले लागुऔषध अपराधको वैज्ञानिक अनुसन्धानमा अतुलनीय योगदान पुर्याएको उल्लेख गरिएको छ।
सत्य, सेवा, सुरक्षणम् को मूल आदर्शलाई आत्मसात् गर्दै अपराध अनुसन्धानमा देखाएको उत्कृष्ट कार्यसम्पादनको मूल्याङ्कन स्वरूप उनलाई सम्मान गरिएको हो।
मल्लको सम्मानले अपराध अनुसन्धानमा खटिने प्रहरी कर्मचारीलाई थप जिम्मेवार, व्यावसायिक र नागरिक प्रति उत्तरदायी भएर काम गर्न प्रेरणा मिल्ने अपेक्षा गरिएको छ।
